Forseti ASÍ og aðrir forystumenn Alþýðusambandsins ásamt formanni AFLs verða með opinn almennan fund um ástand í efnhags-og kjaramálum nk. þriðjudag á Hótel Héraði á Egilsstöðum. AFL Starfsgreinafélag mun aðstoða félagsmenn við að skipuleggja ferðir, sjá um hópferðir frá þeim stöðum sem þátttaka verður næg og að öðrum kosti taka þátt í ferðakostnaði þar sem fólk hefur samvinnu um bílanotkun. 

Gunnar Smári, starfsmaður AFLs, 4700 303, Ten adres pocztowy jest chroniony przed spamowaniem. Aby go zobaczyć, konieczne jest włączenie w przeglądarce obsługi JavaScript.  er ferðamálastjóri AFLs.

Efnahagsþrengingum fylgir atvinnuleysi. Atvinnuleysi er sóun á hæfileikum og starfsorku fólks. Til að mæta því ástandi sem nú blasir við hafa stéttarfélögin á Austurlandi tekið höndum saman við Þekkingarnet Austurlands,  Vinnumálastofnun Austurlandi og fjölmarga aðra aðila. Við höfum sett í gang  umfangsmikla dagskrá til endur-og símenntunar. Nk. mánudag kl. 13:00 verður á vegum félaganna og ÞNA kynningarfundur á því helsta sem í boði verður næstu vikurnar og mánuði. Fundurinn verður haldinn í húsnæði Þekkingarnetsins að Vonarlandi, Tjarnarbraut 39e, Egilsstöðum.

Í dag var samþykkt á alþingi frumvarp um breytingar á lögum um atvinnuleysisbætur. Meginþáttur breytinganna snýr að minnkuðu starfshlutfalli en það eru algeng viðbrögð við efnahagsástandi nú, að samkomulag verði milli starfsfólks og stjórnenda um minnkað starfshlutfall.

ALCOA tilkynnti í kvöld að fyrirtækið hyggst draga enn úr framleiðslu á áli, eða um 350.000 tonn til viðbótar við samdrátt á árinu. Samdráttur síðustu mánaða verður þá 615.000 tonn en fyrir nokkrum vikum lokaði fyrirtækið verksmiðju í Texas. Í tilkynningu frá ALCOA segir að ekki verði lokað verksmiðju til að ná þessum samdrætti heldur verði dregið jafnt úr framleiðslu í starfandi verksmiðjum ALCOA.

AFL Starfsgreinafélag hefur sent frá sér eftirfarandi tilkynningu í kjölfar hækkunar á gjaldskrá hitaveitu í Fjarðabyggð:

Á fundi með starfsfólki Malarvinnslunnar, stærsta verktakafyrirtækis á Austurlandi, tilkynnti stjórnarformaður fyrirtækisins, Gunnlaugur Aðalbjarnarson, að fyrirtækið væri komið í þrot og starfssemi legðist af í dag eða strax eftir helgi. Tæplega 100 manns hafa unnið hjá Malarvinnslunni síðustu mánuði en 160 starfsmenn voru í sumar þegar þeir voru flestir.