Hjördís Þóra Sigurþórsdóttir, formaður AFLs, stóð í stórræðum á laugardag en þá kom hún sér upp húsi á jörðinni Fljótsbakka í Eiðaþinghá, en hún er öllu jafna búsett á Hornafirði. Á myndinni má sjá formanninn með fríðum flokki sem kom húsinu á staðinn og á undirstöðurnar.
Árleg kjaramálaráðstefna AFLs Starfsgreinafélags verður haldin 19. sept. nk. í húsnæði félagsins á Reyðarfirði. Dagskrá ráðstefnunnar að þessu sinni er helguð "Siðferði og enduruppbyggingu". Kjaramálaráðstefnan er ætluð félagsmönnum AFLs og gestum en hámarksfjöldi þátttakenda er 75 manns.
Sjá drög að dagskrá og nánari umfjöllun.
Samtök málmiðnaðarmanna í Evrópu og víðar standa 7. október fyrir baráttudegi þar sem lögð verður áhersla á atvinnuöryggi - en einn fylgifiska efnahagskreppu um allan heim er aukin sókn fyrirtækja gegn atvinnuöryggi starfsmanna.
