Sameiginlegri allsherjaratkvæðagreiðslu félagsmanna aðildarsamtaka ASÍ um kjarasamning milli aðildarsamtaka ASÍ og SA frá 21. janúar 2016 lauk kl. 12 á hádegi í dag.

Já sögðu 9.274 eða 91,28%. Nei sögðu 832 eða 7,81%. Auðu skiluðu 97 eða 0,91%. Kjarasamningurinn var því samþykktur.

Á kjörskrá voru 75.635. atkvæði greiddu 10.653 eða 14,08%.

Kjörstjórn aðildarsamtaka ASÍ Sjá samninginn hér

Kauptaxtar SGS við SA 2016- 2017

Launatöflur LIV/VR og SA 2015-2018

Launataxtar Samiðnar og Samtaka Atvinnulífsins

Launataxtar Samiðnar og Bílgreinasambandsins

AFL Starfsgreinafélag fordæmir verkfallsbrot yfirmanna Ísal í Straumsvík sem gengu í morgun í störf hafnarverkamanna í löglega boðuðu verkfalli þeirra. AFL bendir á að nú stendur yfir allsherjaratkvæðagreiðsla um sátt á vinnumarkaði til næstu 2ja ára og framkoma yfirmanna Ísal í yfirstandandi kjaradeilu setur samningaviðræður um framtíðarskipan vinnumarkaðar í uppnám. AFL skorar á stjórn Samtaka Atvinnulífsins að fordæma framkomu Ísal og yfirmanna fyrirtækisins.

Framtíðarsátt á vinnumarkaði getur ekki orðið þeim hætti að verkalýðsfélög skuldbinda félagsmenn sína með kjarasamningum á meðan aðildarfyrirtæki Samtaka Atvinnulífsins taka sér sjálfdæmi um það hvort þau virði þá samninga.

Kjaradeilan er orðin langvinn og því þarf ekki að undra þótt gripið sé til aðgerða til að þrýsta á um kjarabætur. Framkoma  Rio Tinto og forsvarsmanna þess í samningaviðræðum við stéttarfélögin er fyrirtækinu til háborinnar skammar og steininn tekur úr við aðgerðum þess í morgun. Við getum ekki unað því að alþjóðleg stórfyrirtæki hámarki hagnað sinn á kostnað íslensks launafólks þvert á kjarasamninga. Útvistun verkefna er eitt helsta verkfæri stórfyrirtækja til félagslegra undirboða og gegn því þarf að berjast af fullri hörku.

AFL Starfsgreinafélag lýsir yfir fullum stuðningi við baráttu starfsmanna í Straumsvík og rétti þeirra fyrir því að gerðir verði við þá kjarasamningar eins og íslensk lög gera ráð fyrir. Félagsdómur varðandi málið

Nú stendur yfir atkvæðagreiðsla um kjarasamning aðildarfélaga ASÍ um nýjan kjarasamning við Samtök atvinnulífsins. Félagsmenn hafa fengið sent í pósti lykilorð til að skrá sig inn á svæði atkvæðagreiðslunnar. Þeir sem þess óska geta fengið aðstoð hjá félaginu til að skrá sig inn, en þá þurfa þeim að taka lykilorðið með. Atkvæðagreiðslan stendur til hádegis þann 24. febrúar 2016. Þeir sem ekki fá sent lykilorð sent en telja sig eiga að vera á kjörskrá er bent á að hafa samband við félagið.

Félagið hvetur félagsmenn til að taka þátt í atkvæðagreiðslunni. Kjósa / Vote / Glosuj

Vatnajökulsþjóðgarður var í dag dæmdur til að greiða landverði tæpar 130 þúsund krónur auk dráttarvaxta í vangoldin laun og rúma hálfa milljón í málskostnað. AFLs starfsgreinafélags hvetur aðra landverði til að skoða launaseðla sína. sjá dóminn í heild

Landvörður sem starfaði á Lónsöræfum í júlí og ágúst 2014 stefndi garðinum til að greiða fjarvistaruppbót til viðbótar við aðrar launagreiðslur samkvæmt kjarasamningi fjármálaráðuneytisins við Starfsgreinasambandið.

Haustak 27.01.2016 kl. 12:10 í matsal fyrirtækisins
Seyðisfirði 27.01.2016 kl 15:05 í Silfurhöllinni á 1. Hæð