Þar sem verkfalli sorphirðufólks í Reykjavík hefur verið aflýst - hefur verið opnað fyrir bókanir í sjúkra-og orlofsíbúðir AFLs í Stakkholti og ruslageymslan opnuð.  Á þessum þremur vikum sem verkfallið hefur staðið hafa félagsmenn AFLs sem dvalið hafa í húsinu sýnt fyrirmyndar tillitssemi og fjarlægt allt rusl sjálft.  Aðeins þrjú tilvik eru skráð af þrifafyrirtæki AFLs um rusl sem skilið var eftir.  Í einu tilfelli í íbúð - í einu tilfelli fyrir framan íbúð og síðan í hjólageymslu.  Náðst hefur í alla þrjá "sökudólga" og lokað á frekari leigur til þeirra í 6 mánuði - enda hafði verið rætt við alla leigjendur og íbúðir aðeins leigðar gegn loforði um að allt rusl yrði fjarlægt af leigjendum.

Athygli er vakin á því að þrátt fyrir að viðburðum sé frestað með stuttum fyrirvara um þessar mundir vegna kórónaveirunnar - þá gilda óbreyttar reglur AFLs um afbókanir íbúða.  Ef afbókað er innan 10 dögum áður en leiga hefst - er leigan ekki endurgreidd nema annar leigjandi komi í staðinn.

AFL Starfsgreinafélag óskar félagsmönnum Eflingar til hamingju með að hafa lokið þessari erfiðu vinnudeilu.

AFL Starfsgreinafélag vill vekja athygli félagsmanna á að fjölda erinda við félagið er hægt að sinna í gegnum síma og með tölvupósti.  Sími félagsins er 4700 300 og hægt er að senda póst á Ten adres pocztowy jest chroniony przed spamowaniem. Aby go zobaczyć, konieczne jest włączenie w przeglądarce obsługi JavaScript. og bregst starfsfólk félagsins hratt við erindum. Með því að nota síma og tölvupóst þegar unnt er  - minnkum við líkur á corona vírusinn svokallaði breiðist hraðar út en efni standa til.

AFL Starfsgreinafélag would like to advise our members to use telephone or email in communications with the union - instead of coming to our offices.  Our telphone is 4700 300 and our email Ten adres pocztowy jest chroniony przed spamowaniem. Aby go zobaczyć, konieczne jest włączenie w przeglądarce obsługi JavaScript..  By communicating with phone and email instead of direct contact,  we might delay the spreading of the corona virus.

AFL Starfsgreinafélag chciałby doradzić naszym członkom, aby w komunikacji ze związkiem używali telefonu lub poczty elektronicznej – w miejsce stawiania się w biurach. Nasz telefon to 4700 300, a nasz e-mail Ten adres pocztowy jest chroniony przed spamowaniem. Aby go zobaczyć, konieczne jest włączenie w przeglądarce obsługi JavaScript.. Komunikując się telefonicznie i pocztą e-mail zamiast bezpośredniego kontaktu, możemy opóźnić rozprzestrzenianie się wirusa korony.

Starfsgreinasamband Íslands og samninganefnd ríkisins skrifa undir kjarasamning

Samninganefnd Starfsgreinasambands Íslands, fyrir hönd 18 aðildarfélaga sinna, skrifaði í dag undir nýjan kjarasamning við samninganefnd ríkisins með fyrirvara um samþykki félagsmanna í atkvæðagreiðslu. Samningurinn gildir frá 1. apríl 2019 til 31. mars 2023.

Helstu atriði samningsins eru sem hér segir:

• Laun hækka í samræmi við lífskjarasamninginn og hækka frá 1. apríl 2019.
• Lágmarksorlof hjá öllum starfsmönnum verður 30 dagar.
• Markviss skref til styttingar vinnuvikunnar. Frá 1. janúar 2021 styttist vinnuvikan um samtals 65 mínútur fyrir fólk í fullu starfi.
• Vinnuvika vaktavikufólks verður 36 stundir m.v. fullt starf og nýtt launamyndunarkerfi tekið upp. Breytingar á fyrirkomulagi vaktavinnu sem býður upp á manneskjulegra umhverfi með styttri vinnuviku, þar sem miðað er að bættri heilsu, auknu öryggi og betri samþættingu einkalífs og vinnu.
• Tekin er upp ný launatafla sem byggir á álagsþrepum en ekki aldurþrepum, í tengslum við það eru stofnannasamningar endurskoðaðir og er ráðstafað allt að 142 milljónum króna vegna þessa.
• Framlag í orlofssjóð hækkar.
• Fellt út ákvæði um að heimilt sé að láta fólk gista í tjöldum.
• Full orlofsuppbót hækkar úr 50.000 kr. árið 2019 í 53.000 kr. árið 2022.
• Full persónuuppbót (desemberuppbót) hækkar úr 92.000 kr. árið 2019 í 000 kr. árið 2022.
• Tekið er upp nýtt ákvæði að félagsmenn sem starfað hafa samfellt í 3 ár geta fengið launað leyfi í samtals í þrjá mánuði til að stunda viðurkennt starfsnám.

Samningurinn verður kynntur félagsmönnum á næstu dögum og vikum en gert er ráð fyrir að atkvæðagreiðslu um hann ljúki 26. mars. samninginn hér

Alþýðusamband Íslands, Samtök Atvinnulífsins og ríkisstjórnin undirrituðu í gær samkomulag um viðbrögð vegna launamissis þeirra sem settir eru í sóttkví í yfirstandandi farsótt.  Samkvæmt samkomulaginu mun launafólk sem sett er í sóttkví - halda launum frá launagreiðanda - sem aftur mun eiga kröfu á Sjúkratryggingar Íslands vegna þess kostnaðar.  Samkomulagið er allt á formi viljayfirlýsinga - þ.e. Samtök Atvinnulífsins beinir tilmælum til launagreiðenda að greiða laun og ríkisstjórnin mun beita sér fyrir breytingu á lögum um sjúkratryggingar til að launagreiðendur fái tjónið bætt.

Í samkomulaginu beinir Alþýðusamband Íslands tilmælum til aðildarfélaga um að greiða sjúkum félagsmönnum sjúkradagpeninga að tæmdum veikindarétti.  Um greiðslur úr sjúkrasjóði AFLs fer skv. reglugerð sjóðsins sem aðeins aðalfundur félagsins getur breytt.  Skv. reglugerð sjúkrasjóðs AFLs greiðir sjóðurinn félagsmanni 85% af meðallaunum síðustu 6 mánaða að frádregnum sjúkradagpeningum SR.

Í reglugerðum flestra sjúkrasjóða eru ákvæði um heimild til að skerða greiðslur eða fella niður í því tilfelli að alvarleg farsótt ógni afkomu sjóðs. Engar aðstæður sem sjáanlegar eru á þessu stigi benda til þess að þessi farsótt verði svo illvíg og alvarleg að það ógni afkomu sjúkrasjóða og því lítil ástæða til að óttast að til skerðinga á sjúkradagpeningum komi.

Samkomulagið sem aðilar vinnumarkaðarins gerðu í gær felur í sér að fjarvera frá vinnu vegna sóttkvíar mun ekki ganga á veikindarétt launafólks þannig að fólk ætti að halda óskertum veikindarétti þrátt fyrir sóttkví.

Nánari upplýsingar um farsóttina og viðbrögð við henni má finna á vefsíðu Landlæknisembættisins.

https://www.landlaeknir.is/um-embaettid/greinar/grein/item38911/Spurningar-og-svor-vardandi-koronaveiruna-

Verður haldinn 12. mars kl. 17:00 – að Búðareyri 1 Reyðarfirði

Dagskrá

1. Kjaramál
2. Skýrsla formanns deildar
3. Kjör stjórnar deildarinnar
4. Önnur mál

Stjórn alm. starfsgreinardeildar AFLs

Í gær féll dómur í Félagsdómi þar sem úrskurðað var að óheimilt væri að lækka skiptaprósentu á bátum yfir 12 metrum að lengd - þó svo að sérstakur vélstjóri /vélavörður væri um borð.  Ákvæði er í kjarasamningum við Landsamband smábátaeigenda um að ef bætt er vélaverði á báta undir 12 metrum og fjórir eru í áhöfn - er heimilt að lækka skiptaprósentu úr 21,6% í 20,36%.

Útgerðir báta 12 - 15 metra að lengd hafa verið að túlka ákvæðið (sic) þannig að það nái einnig til báta yfir 12 metra að lengd og eftir að Sjómannasambandið freistaði þess að fá Landssamband Smábátaeigenda til að taka undir túlkun sína en án árangurs varð að sækja úrskurð til félagsdóms.

Dómurinn féll í gær og sjómönnum í vil og þannig að túlkun Sjómannasambandsins stendur.  Sjómannadeild AFLs Starfsgreinafélags er aðili að Sjómannasambandi Íslands.

Sjá nánari skýringu á heimasíðu Sjómannasambandsins  sjá dóminn hér

Mynd úr myndasafni AFLs